T20 போட்டியில் இங்கிலாந்து அசத்தல் வெற்றி.

பாகிஸ்தானுக்கு எதிரான 2வது ‘டுவென்டி-20’ போட்டியில் மோர்கன், மாலன் அரைசதம் கடந்து கைகொடுக்க இங்கிலாந்து அணி 5 விக்கெட் வித்தியாசத்தில் வெற்றி பெற்றது.

இங்கிலாந்து, பாகிஸ்தான் அணிகள் மோதிய 2வது ‘டுவென்டி-20’ மொன்செஸ்டரில் நடந்தது. ‘டாஸ்’ வென்ற இங்கிலாந்து கேப்டன் மோர்கன் ‘களத்தடுப்பை’ தேர்வு செய்தார்.

பாகிஸ்தான் அணிக்கு கேப்டன் பாபர் ஆசம் (56), பகர் ஜமான் (36) ஜோடி நல்ல துவக்கம் தந்தது. சோய்ப் மலிக் (14) நிலைக்கவில்லை. அபாரமாக ஆடிய முகமது ஹபீஸ், 36 பந்தில் 69 ரன் (4 சிக்சர், 5 பவுண்டரி) எடுத்தார்.

பாகிஸ்தான் அணி 20 ஓவரில் 4 விக்கெட்டுக்கு 195 ரன்கள் எடுத்தது. இப்திகார் அகமது (8) அவுட்டாகாமல் இருந்தார். இங்கிலாந்து சார்பில் அடில் ரஷித் 2 விக்கெட் வீழ்த்தினார்.

மார்கன் விளாசல்: சவாலான இலக்கை விரட்டிய இங்கிலாந்து அணிக்கு ஜானி பேர்ஸ்டோவ் (44), டொம் பான்டன் (20) நல்ல துவக்கம் தந்தனர். அசத்தலாக ஆடிய கேப்டன் இயான் மோர்கன், 33 பந்தில் 66 ரன் (4 சிக்சர், 6 பவுண்டரி) எடுத்து கைகொடுத்தார். இவருக்கு ஒத்துழைப்பு தந்த டேவிட் மாலன், 6வது அரைசதமடித்தார். பில்லிங்ஸ் (10) ஏமாற்றினார். ஷஹீன் அப்ரிதி பந்தை பவுண்டரிக்கு அனுப்பிய மாலன் வெற்றியை உறுதி செய்தார்.

இங்கிலாந்து அணி 19.1 ஓவரில் 5 விக்கெட்டுக்கு 199 ரன்கள் எடுத்து வெற்றி பெற்றது. மாலன் (54) அவுட்டாகாமல் இருந்தார். இங்கிலாந்து அணி 1-0 என, முன்னிலை பெற்றது.